20/02/2013 18:29:25

Obama kundër shkurtimeve drastike: do investojmë në infrastrukturë

Presidenti amerikan do të mbajë fjalime në të paktën tetë vende, nga Bostoni në Hawaii duke kaluar nga San Antonio (Teksas) dhe San Françisko (Kaliforni)

WASHINGTON - Presidenti amerikan, Barack Obama do të mbrojë sot idenë për të investuar në infrastrukturat e SHBA-së dhe paralajmëroi kundër shkurtimeve drastike në shpenzimet që do të shfaqen në të paktën 10 ditë, gjatë një ofensive mediatike në drejtim të televizioneve lokale.

Presidenti amerikan do të mbajë fjalime në të paktën tetë vende, nga Bostoni në Hawaii duke kaluar nga San Antonio (Teksas) dhe San Françisko (Kaliforni), gjatë të cilave ai do të zhvillojë propozimin e tij për të investuar në infrastrukturat publike, shprehur gjatë fjalimit për gjendjen e Unionit javën e kaluar.

Ky plan parashikon, sipas Shtëpisë së Bardhë, investimin e menjëhershëm të 50 miliardë dollarëve në infrastrukturat e transporteve të vendit tonë, 40 miliardë prej të cilave për ristrukturimin e rrugëve, sistemeve të transportit publik dhe aeroportet.

Propozimet e Obamës, e ardhmja e të cilave varet nga një Kongres pjesërisht në duar e kundërshtarëve republikanë, përfshijnë gjithashtu një dispozitiv të partneritetit publik dhe privat për t'i dhënë SHBA-së rrjetet më të mira të transportit, enegjisë, ujësjellësve dhe komunikimit.

Bëhet fjalë për krijimin e një banke kombëtare të infrastrukturave dhe lancimin e një kredie për financimin e punëve publike.

HermesNews - ©2013

Dërgo me email | Stampo artikullin